كلمة قائد الثورة في المسيرة المليونية بطرابلس 1-7-2011

القائد الشهيد معمر القذافي

صحيفة الشمس الليبية

مشاركة المقال

إنه يوم التحدي العظيم يوم إظهار الكبرياء للشعب الليبي العظيم، يوم إظهار الشجاعة يوم إثبات الوجود يوم إبراز الكرامة يوم الفخر بالشهداء هذه رسالة تاريخيه سيكتبها تاريخ البشرية يوجهه الشعب الليبي للمعمورة لدنيا للعالم للكرة الأرضية بقاراتها الستة (6) .

سيكتب التاريخ يوم 1/7/2011 كان يوما مشهودا يوما تاريخيا وجهه فيه شعبا من شعوب الأرض رسالته قوية بتحدى وشجاعة تحت قصف طائرات حلف الأطلسي ومعروف الحلف الاطلسى بالتاريخ الذي يظم 28 دولة دول نووية دول كبرى و لكن طائراتها و صواريخها و قنابلها تحطمت على صخرة مقاومة الشعب الليبي وشجاعة الشعب الليبي وكبرياء الشعب الليبي العظيم .

‎أسمع يا عالم اسمع صوت الشعب الحر الشعب الأبي الشعب الذي قرر أن يعيش بكبرياء وان يعيش حر وان يفنى عن بكرة أبيه الله اكبر يا أصدقائي في أوروبا ياصديقى المسكين برلسكوني يلى مغلوب على أمرك أفتح على الاذاعة الليبية ياصديقى المسكين ساركوزى افتح على الإذاعة الليبية لكن ننصحك تأخذ مهدئات قبل أن تفتح على الإذاعة الليبية لأنك ستصعق ستصعق حتما أعصابك الضعيفة ما تتحمل ما تراه في الإذاعة الليبية .

‎تحدى الشعب الليبي المظاهرة المليونية لا تستطيع أعصابك أن تتحمل قوة الشعب الليبي التي تواجهك في شمال افريقيا وأنت يا ابني أوباما اطلب من موظفي البيت الأبيض أخاطبك مباشرة أن يفتحوا لك على الإذاعة المرئية الليبية لكي تعرف الحقيقة لكي تعرف أنك أنت على حق حين تراجعت عن جنون المجانين في الحلف الأطلسى في أوروبا وأنت يا من في بريطانيا ما بعرف اسمك، أعتقد كاميرون افتح الإذاعة الليبية في داون إستريت افتح على الإذاعة الليبية كان أعصابك تقدر تتحمل ما تراه لكي تعلموا أنت ياساركوزى يابرلسكونى ياكاميرون تأكدوا الآن انكم تحرثوا في البحر وأنكم تجروا وراء السراب وأنكم تحرثوا فى الرمل وأنكم واهمون غالطون تورطوتو في معركة ما نكم حاسبين حساب إللي بيواجهكم في هذه المعركة تراجعوا تدابروا ولوا الإدبار أفضل ليكم ننصحكم كل ماعندكم يتحطم .

هذا الشعب قادر في يوما ما أن ينقل المعركة إلي البحر المتوسط ويقدر ينقلها إلي أوروبا وقد يستبيح بيوتكم ومكاتبكم وعائلات هذه كلها تصبح أهداف عسكرية مشروعة مثل ما أنتم حولتم مكاتبنا ومقراتنا وبيوتنا وأطفالنا حولتوها إلى أهداف عسكرية مشروعة إذن المعاملة بالمثل السن بالسن والعين بالعين والبادي أظلم الطفل بالطفل والعائلة بالعائلة والبيت بالبيت والمقر بالمقر.

‎اذا قررنا فنحن قادرون قادرون على أن ننتقل لاوروبا مثل الجراد مثل النحل ولكن ننصحكم أن تتراجعوا قبل أن تحل بكم الكارثة أولا أنظروا للشعب الليبي هل هذا الشعب يحكمه دكتاتور هل هذا الشعب مكبوت ومسلط عليه .الشعب تنادى من كيفه تنادت الجماهير من كل مكان بدون أمر من معمر القذافي انا نفسي فوجئت بالسيل العرم من جماهير الشعب الليبي من الرجال النساء العائلات الأطفال ‎انظروا للاطفال انظروا انظروا للعائلات انظروا للنساء من جابهم ماجابهم معمر القذافى جائوا بقوة التحدى هذه هي الشجاعة .

‎هذا هو التحدى هذا اليوم يومآ مشهود يوجهه فيه الشعب الليبي رسالة عالمية وتاريخية تكتب في التاريخ أنه بعد مية يوم من القصف المتوالي ليل ونهار بالصواريخ والقنابل تخرج العائلات والأطفال والرجال والنساء إلى الساحات وتغص بها الميادين والشوارع ليس فى طرابلس بس ولكن فى كل مدن الجماهيرية وواحاتها وقوراها ومدنها مواجهة الشعب الليبي ميؤس منها ماتواجهوا الشعب .

‎الليبي أوقفوا المعركة أول مره تواجهوا شعب مسلح هذه الجموع التي ترونها كلها مسلحة هذه مسلحة عندها الرشاشات والبنادق وعندها السكاكين وعندها الفؤوس اخيرا حتى بالسكاكين هذه الجموع هي لي تفاهموا معها ننصحكم إذا تريدوا السلام وتعود الأمور إلى ماكانت عليه قبل مية يوم تفاهموا مع الشعب الليبي.

‎أهو الشعب الليبي موش مع معمر القذافى معمر القذافى لايمثل الشعب الليبي معمر القذافى رمز للشعب الليبي شوفوا شوفوا الشعب هذا الشعب اهوا تفاهموا مع الشعب الليبي هذا الشعب منتظم في المؤتمرات الشعبية الأساسية ومنتظم فى ألفي قبيلة تفاهموا مع رؤساء القبائل الشعب الليبي في ملتقاها التاريخي تفاهموا معاها تفاهموا مع المؤتمرات الشعبية الأساسية تفاهموا مع القيادة الاجتماعية إللي تمثلها القبائل اهو الشعب الليبي أنى مانقدرش نحكم في الشعب الليبي ما نقدر أنقوله أقبل هذا أو ماتقبلش هذا ولا تفاوض مع هذا ولا ماتفاوضش مع هذا اني نترك كل شي للشعب الليبي الشعب الليبي هو إللي يقرر مصيره هو الشعب السيد هو الشعب الحر.

‎إن عطيته السلطة من عام 77 من عام 77 تنازلت عن كل شي للشعب الليبي إذا تبغو السلام تبو الحل تعالوا للشعب الليبي انتم تبوا البترول ماتقدروش تحتلوه لكن تفاهموا مع الشعب الليبي علي البترول تبغوا الارض الليبية الشعب الليبي مش حيتنازل عن أرضه لكن تعالوا تفاهموا مع الشعب تبوا الديمقراطيه عدو تفاهموا مع الشعب الليبي أي شي تبغوه امشوا للشعب الليبي بتقولولى كيف نوصلوا للشعب الليبي توصلولة عن طريق المؤتمرات الشعبية الاساسية التى ينتظم فيها كل الشعب الليبي من الرجال و النساء الديمقراظية الشعبية المباشرة مش نظام معمر القذافى

نظام الشعب الليبي النظام السياسي في ليبيا هو نظام الشعب الليبي ولهذا ما مابيسقط حتى لو هرب من هرب و خاف من خاف وطاح من طاح مايساوى شي لو هرب مية سفير الشعب الليبي يجيب ألف سفير في اليوم الثانى مايساوى شيء هاذيك حكوماتكم إذا كان وزير الداخلية فى إيطاليا إستقال تسقط حكومة إيطاليا لكن فى ليبيا يمشي أي امين مايساوى شي الشعب والمؤتمرات الشعبية يجبوا عدد من الأمناء بدلوه لان النظام فى ليبيا هو نظام الشعب الليبي الديمقراطية الشعبية المباشرة إللي أنتم ماتعرفوهاش انتم شعوبكم عاملة مظاهرات ضدكم و الشعب الليبي شفتوه شو عامل مع معمر القذافي في الميادين وفى الساحات شوفوا قارنوا بين مظاهرات في اوروبا وبين مظاهرات في ليبيا أنتم شعوبكم ماتحمل صوركم ضدكم تكسر في صوركم ضدكم وبتسقطكم مظاهرات في كل مكان إطالب بديمقراطية حقيقية (ريل ديمغرفي) مامعنى (ريل ديمغرفي ).

معناها الديمقراطية لي موجودة في ليبيا يجب أن تطبق في أوروبا شعوبكم تقول لكم الشعوب تبي تحكم نفسها بنفسها زى الشعب الليبي مؤتمرات شعبية ولجان شعبية مؤتمرات تقرر ولجان شعبية تنفذ إذا الشعب الليبي يبي يغير اي نظام يقدر يغيره ولا واحد يقدر يمثل الشعب الليبي مافيش اي حد يقدر يمثل الشعب الليبي أنتم استفزيتوا الشعب الليبي وهنتوا الشعب الليبي لما جبتم عملاء تافهين خونه وقلتم هؤلاء يمثلوا الشعب الليبي هذه هي الديمقراطية عندكم أن واحد خاين تجيبوه انتم تجيبوه بطائراتكم وتقولوا انه يمثل الشعب الليبي هذه هى الدمقراطيه هذه الديمقراطية طز في الديمقراطية امتاعكم إذا كانت بهذا الشكل الديموقراطيه هى دمقراطية الشعب ( ديمقراكرسي ) الشعب على الكراسي كل الشعب يجلس على الكراسي وستنتصر التجربة الليبية فى أوروبا في أمريكا في آسيا وفى افريقيا وفى كل مكان في العالم.

ستنتصر التجربة الليبية وتنتصر نظرية الشعب الليبي و ثورة الشعب الليبي ثورة الفاتح العظيم وسوف تنتصر مباديها فى كل أنحاء المعمورة حتى الثورة الفرنسية حاربتها اوربا الرجعية والملكية والفاشية ولكن في النهاية أنتصرت الثورة الفرنسية وانتصر عهد الجمهوريات وأصبحت الجمهوريات البرجوزية هى النظام السائد في العالم بعد الثورة الفرنسية والأن الشعب الليبي يقدم لكم الجماهيرية اخر مرحلة بعد الجمهورية تحاربوها ماتحاربوها ستنتصر الجماهيرية والعالم كله سيصبح جماهيري ستسود المؤتمرات الشعبية بدل الأحزاب ستسقط الأحزاب وهى الان تتساقط الأحزاب الأحزاب هذه أدوات رجعية أهي الديمقراطية مؤتمرات شعبية تقرر ولجان شعبية تنفذ.

إلا إذا كان الشعب الليبي بغيرها هو حر هو عملها هو يقدر يغيرها فا اني ننصحكم توقفوا طائراتكم وهالتعب وهالخسائر وماتخلوش حد يضحك عليكم من إللي بيبتزوكم ويعملوكم مرتزقه أصحاب الأموال إللي بيخلوا رؤساء الدول الاوربية مرتزقة معهم ننصحكم تفاهموا مع الشعب الليبي من بكرة خاصه بعد صدور قرارات القمة الافريقية أول قرار صدر من أفريقيا كلها رفض أول قرار بما يسمى محكمة الجنايات الدولبة باعتباره باطل وبأعتبارة اداة من أدوات الاستعمار أفريقيا رفضت هذا القرار وبعد ذلك اتقولولي كيف نتفاهموا مع الشعب الليبي عنده مؤتمرات شعبية أساسية هذه إللي فيها كل الليبيين رجال و نساء بتقولولي كيف نتفاهموا مع المؤتمرات الشعبية الأساسية عنده مؤتمر الشعب العام بتقولوا لي كيف بنوصلوا لمؤتمر الشعب العام توصلوا فيه عن طريق أمانة مؤتمر الشعب العام بتقولولي بالك هذا مايصير عندك بديل آخر القبائل الليبية أكثر من ألفي قبيلة أجتمعت كلها وشكلت ملتقى القبائل الشعبية ..ملتقى القبائل الليبيية أمشو لملتقى القبائل الليبية لي فية كل القبائل الليبية من طبرق لغاية زوارة بتقولولي كيف نوصل في ملتقى القبائل الليبية عن طريق أمانة ملتقى القبائل الليبية نعطيكم هالعناوين هذه عدوا تفاهموا معاها انى ماندخلش أبدآ انى عاطى السلطة للشعب وواثق من الشعب كل شي للشعب الكرامة للشعب والسلطه للشعب والبترول للشعب والأرض للشعب والمستقبل للشعب.

إذا كان بتجدوا مخرج لورطتكم هذه امشوا للشعب الليبي ما تعولوا علي الخونة لي أنتم عملتوهم هاذيم ماعندهمش مكان في ليبيا مش حيقبلهم أي شارع في بنغازى أو أي زنقه فى بنغازى حتقبلهم أنتم مخدوعين اهو الشعب هذا الشعب مايقبلش ولا اي واحد يمثلة حتى معمر القذافي مايمثلاش الشعب حر لا نيابة عن الشعب التمثيل تدجيل التمثيل تدجيل أفتحوا على الأذاعة الليبية ننصحكم ياأصدقائى افتحوا على الإذاعة الليبية إذن القصف مافيش فائدة طائراتكم ماعملتش فائدة إسقاط السلاح على الخونة والمرتزقه والطابور الخامس في الجبل ماعملش فائدة لكم ضربتوا ماضربتوا ماعملش فايده درتوا حرب نفسية مافيش فائدة كذبتوا كذبتوا كذبتوا مافيش فائدة من الكذب إذن ابحثوا عن مخرج من هذه الورطة و أنى نساعد فيكم ونقدملكم فى مخرج انظروا انظروا للشوارع كيف مكتظة بالجماهير أوروبا شوارعها مكتظة بالجماهير اللي ضد حكامها نتحداكم واني شوفوا شعبى شوفوا الشوارع مكتظة بصور القذافي الآن سجل في جهة عالمية اليوم ما نعرف اسمها الآن لكن سجلوا الآن أن تاريخ البشرية يشهد لأول مره أطول علم في العالم وهو الراية.

الخضراء التى حملتها الجماهير الليبية في طرابلس اليوم والتى طولها 4 كيلوا متر ونص سجلوها اليوم فى سجل تاريخ العالم وهو لأول مره فى تاريخ العالم يكون فية علم طوله اربعة ألالاف وخمسمائة متر هالعلم إللي تشوفوا فية لي طوله أربعة الالاف كليو متر ونصف ماعمله معمر القذافي ماعملته سلطة هذا عملاته الجماهير البارح سمعت ان النسوان يبيعن فى ذهبن بيش يشرن القماش الاخضر بيش يوصلن طول العلم الى اربعة كيلوا متر ونصف تصوروا نسوان باعن ذهبن بيش يشرن القماش الأخضر ويديرن به العلم واصحاب الدكاكين واللي عندهم القماش الاخضر تبرعوا بيه بيش يكملوا بقيت الطول بيش يبقي طوله اطول علم في العالم اربعه كيلوا متر ونصف هل هذا داره معمر القذافي هذا داراته الجماهير عدوا من بكرة تفاهموا مع الشعب الليبي وريحوا العالم من هالمؤامرة من هاللعبة القذرة إللي درتوها ووحلتوا فيها ماتفاهموش مع معمر القذافي تفاهموا مع الشعب الليبي اهوا اهوا الشعب السيد اهو ظهر لكم فى الساحة يتحدى فيكم اهو يظهر الغضب شفتوا غضب الشعب الليبي شفتوا كبرياء الشعب الليبي شفتوا شجاعة الشعب الليبي حاصرتوا حاصرتوا برا جوآ ضربتم قصفتم مافيش فائدة اهو الشعب .

إذن خلاص وقفوا كل شي وقفوا القصف أخرجوا تفاهموا مع الشعب الليبي قوالوا ياشعب الليبي سامحنا و نحن نبوا تتفاهموا معك نبوا انديروا معك علاقة كويسة وان نحن كنا غلطانين ونحسبوها لعبة اشوي طلعت حاجة خطيرة تشوفوا الجماهير هذه امواج زي الحلف الأطلسى ماهو الأطلسي محيط اهو محيط عندنا احنين هنا اهو الساتوا ضد الناتو اهو الساتو إمتاع الجماهير عمركم شفتو جماهير بهذا الشكل إلا كانت ضدكم بس انتم جماهيركم ضدكم في الشوارع احني أهو الجماهير.

أما انتم يااخوتى نوجهه الخطاب لكم أنتم تبوا تنهوا الأزمة هذه راهو الحل بيدكم أنتم مثل مازحفتوا توا على الساحة الخضراء واكتظت الشوارع وجيتوا من كل حدب وصوب تزحفوا على الجبل الغربي بيش الفرنسيس إللي أسقطوا عليهم السلاح بالمظلات تاخذوا منهم السلاح وتفكوه منهم وبتعفوا عليهم اعفوا مابتعفوا أنتم أحرار والجبل الغربي تزحفوا عليه بمليون يتم تطهيره لغاية ذهيبة وتنتهى هذا المشكلة وعائلاتنا إللى في تونس والليبيات لي الان فى تونس هاربات من الخونه والطابور الخامس االي توا طلعوا كأنهم جنود لفرنسا هاذوهم خونه ومرتزقة لفرنسا خونه زى الخونة إللي كانوا مع الطليان بزبط الآن اتضح أنهم مع الجيش الفرنسي كأنكم تحاربوا في الجيش الفرنسي في الجبل الغربي وقتلانا في الجنة وقتلاهم فى النار من لي وصلكم لي هل الوضع الخونة لي خانوا مع الحلف الأطلسي.

ازحفوا عليهم بسرعة لازم تزحفوا على الجبل الغربي وطهروه شبر شبر وبعدين إتحرروا مصراته بنفس المليون يزحف على مصراته يحررها شبر شبر اتحرروا عائلات مصراته التى تستغيت مصراته تستغيت ازحفوا عليها بدون سلاح بدون سلاح بدون سلاح أزحفوا على مصراته فكوا السلاح جردوهم من السلاح العصابات هذه جردوها من السلاح وتحرروا مدينة مصراته إللي فيها موانيكم وفيها تموينكم وفيها مصنع الحديد والصلب أمتاعكم.

النفط إذا مسه حد في البريقة وإلا في الواحات وإلا النفط إللي يجي لمصفاة الزواية إذا مسه حد يجب تزحفوا عليه بالمليون مافيش لعب مع النفظ النفط هذا وقودكم وحياتكم وحياة أولادكم لابد من تامينه بالشعب بالجماهير مليون يزحف على النفط لكي يؤمن النفط غربا او شرق شمالا او جنوبا أستعدوا رجال ونساء رجال ونساء استعدوا لحسم المعركه حسمها سيكون بيدكم وحيكون النصر قريب إذا انتم صممتم وزحفتم مثل هذه الزحوف زحفتم على هؤلاء الذين يساندهم الحلف الاطلسي بعدين الحلف الاطلسي ماعاد يلقى على شن يتكى او على من يعول فى الداخل يعرف ان امامة شعب واحد متحدى شجاع.. يستسلم الحلف الأطلسى ويولون الادبار إذن الحل بيدكم تقدروا تحسموا المعركه في ايام محدوده وينتهى القصف وينتهى الحصار وينتهى كل شيء عندما انتم تسيطروا على أرضكم من أقصاها إلى أقصاها عند آذن يجوا يقولوا خلوا نتفاهموا معاكم مادام انتم أصحاب الأرض و أصحاب السيادة يقولوا نحن كنا غلطانين مانحسابوش الشعب الليبي بهذا الشكل فى هذه الحالة سينتهوا ويستسلموا وتنتهى المعركة بيدكم المعركة تنهوها بيدكم ( شكرا شكرا انشوف في يدك انشوف في يدك شكرا عشتي عشتي ).

أهوا شوفوا النسوان شن كاتبات على يدهن وانتم غادى يلعنوا فيكم شعوبكم يلعنوا فيكم المعركة ياسادة أنهوها بسرعة انهوها بسرعة ماهيش معركة جيش نظامى لاهذه معركه داخل البيوت داخل العائلات عصابة اتجى لعمارة تحتلها ودير من البشر دروع بشرية تأخد الأطفال وديرهم متاريس بيدخلوا العمارات (شكرا ياماما شكرا شايفك أني شايفك شايف معمر وبس ) انعم خلهم يشوفوا في أوربا وفى أمريكا وفي العالم كله.

يجب أن نحن أن ننهي المعركة بسرعة والمعركة بيدنا نحن هما بيتفضوا معنا ايتفوضو أهلآ وسهلًا مايبوش ايتفوضو احنا بننهي معركتنا علي الارض وهم خاسرين ويعرفو من اليوم ماعندهمش امل فيً المرتزقة ولا ايسقطو السلاح بالمضلات ولا يسقطو القنابل ولا الصواريخ هذه جربوها مية يوم وطلعت فاشلة مافيش إلا أن يخضعوا لي ارادت الشعب الليبي إذن بسرعة ازحفو علي الجبل وأزحفو علي مصراتة حينتهي كل شي بنغازي هذه أتية لا محالا بنغازي هذه خلاص الشعب كل يوم أنتفاضات وكل يوم تفجيرات يعني خلاص الخونة معاش ليهم وجود وهذوم عاملهم سركوزي هذا هو اي امعينهم بيحكموا الشعب الليبي معقولة كلام فارغ هذا .

استعدوا رجال ونساء للزحف قدام العالم مثل مازحفتو توا أزحفو بكره وبعد بكره وكل الأيام الجاية علي المواقع لي فيها الخونة والطابور الخامس وفيها المرتزقة لي ايقتلو في أولادكم كل يوم ايقتلو في اولادكم بطائرات حلف الأطلسي وبحماية طائرات الحلف الاطلسي فكو منهم السلاح جردوهم من السلاح بسرعة كل القبائل تزحف كل الجماهير تزحف الرجال والنساء.

نحن نقوم بواجبنا امام التاريخ ولا نخون ماضينا العظيم وتضحيات أجدادنا ولا نخذل اولادنا ولا أحفادنا ولأ نخذل المستقبل ولا نخون الماضي هنا الشجاعة وهنا الكبرياء نحن إصحاب حق نحن في ارضنا أرض أجدادنا لا نتركها أبدآ ونموت من اجلها هذا هو واجبنا هذا هو وجبنا المجد لكم المجد لكم أيها الشجعان المجد لكم أيها الليبيون هذا هو المجد هذه هي الشجاعة هذا هو الكبرياء .

إلي الأمام إلي الأمام والكفاح مستمر حتى النصر